Еден ден пред маршот на средношколците, во неколку средни училишта, директорите им се закануваат на учениците да не одат на маршот, јавуваат учениците од Средношколскиот пленум, кој утре организира протестен марш против лошите реформи во образованието.
Тие сведочат дека денеска, во СУГС „Раде Јовчевски Корчагин“, директорот на гимназијата директно им се заканил на учениците дека нивната екскурзија во Белград, на која треба да тргнат овој петок ќе била одложена доколку присуствуваат на маршот.
Учениците уште претходно алармираа дека трпат закани.
„Нема да биде како минатата година, оваа навистина ќе ве запишуваме”, им се кажувало на учениците.
Тука спаѓаат и бројни закани за педагошки мерки, намалени оценки, намалени поведенија и се така по ред кое веќе стана вообичаено за господата директори.
„Сега имаме математика и влезе психологот и ни рекоа дека ќе не избришат од списокот за Белград, ако утре не сме на настава“, пишува ученик.