Претседателот на социјалдемократската младина Стефан Богоев се огласи на Facebook по повод одлука од судот снимките од бомбите да се сметаат за невалидни. Тој напиша:
“Вчера судот донесе одлука снимките од бомбите да не се користат како докази во постапка против Груевски, Мијалков, Јанкуловска и останатите! Истиот суд за кој слушнавме од снимките КАКО се избираат судиите и КОЈ ги избира. Очајнички, последни обиди на режимот во заминување! Долга е раката на ВМРО Никола, но уште подолга е раката на граѓаните. Мечот на правдата, полека но сигурно се спушта над твојата глава.
Да се потсетиме:
Софија Лаличиќ, судијка
СМ: Е па тоа е добро. Ќе памтиме дека со првиот снег некои работи се завршиле.
СЛ: Ме зезаш?
СМ: Да, ајде, со среќа нека ти е.
Лидија Тупанчевска, судијка
СЛ: Па на Тунапчевски му е братучетк а. Е значи го испуши кај Лидија, и го испуши. Значи цел Сваровски и го купи и го испуши.
СМ: Она ја предложи оваа, ама ако не, можам да ја откачам ја.
СЛ: Е што, она пушеше кај Лидија секој ден Сварсовски поклони и купуваше. И ја купи Лидија за поклоните сега…сум ти кажала за Тупанчевска уште пред година дена, нели сум ти кажала за Тупанчевска да памтиш.
Светлана Костовска, судијка
СМ: Е па, сакав да ти кажам една работа сега. Ќе те бираме за судија или не те бираме?
СК: Како нема да ме бирате?
СМ: А?
СК: Јас би сакала да ме бирате.
СМ: Е па добро, јас средив работа да бидеш избрана.
СК: Да?
СМ: Да. Што значи ќе треба да ме частиш.
СК: Ееее, цел живот ќе Ви бидам должна
Зарем сеуште има некој кој е во дилема за партизираноста на судствотои автентичноста на снимките!?”