Се сечат дрвја од парк во зграда во Драчево, за да се има за греење зимава.
Станарите на зграда во Драчево реагираат дека не можат да спречат да се сечат дрвјата, а немало реакција ниту од надлежните каде што побарале помош.
– Се работи за крадење на дрвја позади зградата која се наоѓа во населба Драчево. Дрвјата се огромни и тоа е парк, односно беше парк пред да го уништат, реагираат тие.
Тие се јавиле и во полиција, меѓутоа според жителите на Драчево им кажале дека имаат побитни работи.
Ваквата реакција и не зачудува откако целиот град остана без дрвја.
