Едно лице загина, а деветмина се повредени денеска кога хрватски автобус излетал од патот во близина на Босански Брод, соопшти портпаролката на полициската станица во Добој, Љерка Станимировиќ.
Автобусот возел на релација меѓу Неум и Винковци, а во него во моментот на несреќата се наоѓале 14 патници и двајца возачи.
– Во инцидентот загина маж на возраст од 77 години, истакна Станимировиќ.
Повредените се пренесени во болница во Славонски Брод и се надвор од животна опасност.
