Таткото на Меган Маркл – Томас Маркл Постариот е уапсен на Флорида под сомнение за поседување материјали поврзани со сексуална злоупотреба на деца.
Според извори за „Њујорк пост“, материјалите наводно биле пронајдени во неговиот дом на Филипините и во магацински простор во Мексико.
Маркл (82) е приведен во Лејкленд, Флорида, каде што моментално престојува во центар за рехабилитација, закрепнувајќи од ампутација на ногата извршена во декември 2025 година, објави првично „Дејли мејл“.
Спорниот материјал наводно бил пронајден на Филипините од страна на неговиот син, Томас Маркл Помладиот, додека тој пребарувал низ семејните работи барајќи мобилен телефон.
Маркл Помладиот (60) го пријавил својот татко во јули, откако пронашол, како што самиот го опишал, „неверојатно количество материјал“.
Според британскиот таблоид „Сан“ спорната содржина наводно била скриена меѓу семејни предмети и спомени.
Тој стапил во контакт со истражители од ФБИ, кои побарале податоци за контакт со истражните органи на Филипините, а случајот го пријавил и во Националниот центар за исчезнати и искористувани деца.
Сличен материјал наводно бил пронајден и во магацински простор во Мексико, изнајмен од Томас Маркл Постариот.
Меган Маркл, војвотката од Сасекс, изјави дека е „длабоко потресена“ од обвинувањата што се појавија.
„Длабоко сум потресена од вестите што излегоа во последните 24 часа, а моите мисли се со сите деца кои можеби биле повредени“, изјави Меган за „Њујорк пост“.
Томас Маркл Постариот категорично негира дека поседувал таков материјал, нарекувајќи ги обвинувањата „болни лаги“.