Директорот на полицијата во Тирана, Олигер Торба, вечерва пристигна во Универзитетската болница за трауматологија со преврзана рака, откако се здоби со повреди за време на протестот што денеска се одржа во албанскиот главен град, пренесува „Еуроњуз Албанија“ (Euronews Albania).
🇦🇱 Violent protests continue in Albania on Day 5.
Protesters clashed with police in the center of Tirana as tensions continue to escalate. https://t.co/Ofo6Waq7px
— kos_data (@kos_data) October 17, 2026
На петтиот ден од студентските протести во Тирана, дојде до жестоки судири меѓу демонстрантите и полицијата; безбедносните сили употребија солзавец, гумени куршуми и водени топови во обид повторно да ја преземат контролата врз ситуацијата.
Демонстрантите фрлаа камења и други тврди предмети кон полицијата и зградата на Министерството за образование, додека полицијата интервенираше за да ја растера толпата.
Според полициското соопштение, осум полициски службеници се повредени во претходните инциденти, а причинета е и материјална штета на зградата на Министерството и на сообраќајната инфраструктура.
Protesters clashed with police in Tirana, demanding Albanian Prime Minister Edi Rama’s resignation over corruption and education-neglect allegations https://t.co/FleApLV7II https://t.co/mqTtd2f7SO
— Reuters (@Reuters) October 17, 2026
Дваесет и едно лице побарало лекарска помош во Универзитетската болница за трауматологија, меѓу кои осум полицајци, 10 демонстранти и тројца случајни минувачи.
Дваесет и едногодишен маж, кој се здобил со сериозни повреди за време на полициската интервенција пред Министерството за образование, моментално е под лекарски надзор. Според достапните информации, не постои ризик од парализа, а во моментов не е потребна хируршка интервенција.
Лекарска помош им била укажана и на тројца повредени во регионалната болница во Валона – меѓу кои и еден полицаец – додека во Лежа била повредена малолетничка, која по укажаната помош е пуштена од болница.
Полицијата во Тирана соопшти дека по петокотните инциденти се уапсени 10 лица, додека против уште 22 лица е покрената правна постапка.