Српскиот актер и режисер Лазар Ристовски (73) и неговата колешка Аница Лазиќ (34), која е 39 години помлада од него, стапија во брак.
Тие на Инстаграм објавија дека ги разменија брачните завети, што предизвика лавина од честитки и коментари.
„Тукушто венчани“, напиша Аница покрај серијата фотографии, а на Инстаграм веднаш го промени своето презиме, додавајќи го „Ристовски“ на своето моминско презиме, Лазиќ.
Од самиот почеток, врската на овој пар беше под лупата на јавноста, главно поради големата разлика во годините, за што Аница зборуваше во едно интервју.
„Повеќето луѓе пишуваат за разликата во годините, а Лазар и јас воопшто не ја чувствуваме таа разлика. Постои еден момент кога разликата во годините се чувствува, а тоа е кога јадеме палачинки: јас јадам со крем, а тој со џем и јаткасти плодови. Тогаш ја чувствуваме и тоа е сè. Очигледно, тоа е вистина и ми е жал што жените денес, кога ќе наполнат четириесет години, веќе ги нарекуваат баби, како да е срам да се старее или да се има одредена возраст. Би сакала еден ден да бидам баба и тоа ми е цел. Отсекогаш сум била опкружена со луѓе постари од мене, уште од раѓање. Сите мои пријатели се постари од мене. Не знам дали е тоа зрелост, но таков ми е хороскопот, така ми дал Господ. Што се однесува до нас двајцата, таа разлика во годините ни е најмалку важна, додека во медиумите е најважна“, изјави Аница за „Блиц“.
Младенците се во врска од 2022 година, а ова е втор брак за наградуваниот актер.
Првиот брак му беше со актерката Даница Ристовски (70), со која беше заедно 42 години, од 1980 до 2022 година. Во тој брак ги добија синовите Петар и Јован.