Франција регистрираше повеќе од 2.000 смртни случаи во последната недела од рекордниот топлотен бран што ја зафати Западна Европа во јуни, соопштија официјални лица.
Бројот на смртни случаи се зголеми во Франција за 29 проценти во последната недела од јуни во споредба со претходните недели, а француската министерка за здравство Стефани Рист изјави дека има „зголемување на смртните случаи кај лицата над 45 години“.
Најжешкиот јунски ден откако се направени мерења во Франција беше 24 јуни, кога температурата достигна 41 степен Целзиус во Париз, а половина од земјата беше под црвен метеоролошки аларм.
Метеоролозите предупредуваат на понатамошни екстремни температури на континентот во следните неколку дена.
Климатските промени ги зголемуваат температурите низ целиот свет, особено во Европа.
Европскиот континент се затоплува најбрзо од сите – двојно побрзо од глобалниот просек, според климатската служба Коперникус.
Последицата се почести летни топлотни бранови, поголем притисок врз снабдувањето со вода и појава на голем број шумски пожари.
Минатата година, повеќе од еден милион хектари изгореа во Европа, најмногу досега, а особено погодена е Шпанија.