Земјотрес со јачина од 4.7 степени според Рихтеровата скала е регистриран денеска во Грција. Потресот е почувствуван и во јужните делови на Македонија.
Според податоците од Европско-медитеранскиот сеизмолошки центар (ЕМСЦ), епицентарот на земјотресот е на неколку километри од македонско-грчката граница, во близина на регионот на Лерин на длабочина од околу 10 километри.
Граѓаните во Битола јавуваат дека потресот траел неколку секунди и предизвикал вознемиреност, особено кај жителите на повисоките катови во зградите.