Поранешниот премиер на Норвешка и поранешен претседател на Норвешкиот Нобелов комитет, Торбјорн Јагланд е хоспитализиран по обид за самоубиство.
Според достапните информации, Јагланд е згрижен во здравствена установа, а деталите за неговата здравствена состојба засега не се официјално објавени.
Во исто време, норвешката полиција неодамна започна истрага против него во врска со таканаречените досиеја Епштајн.
Досега не се објавени дополнителни детали за природата на истрагата, ниту пак Јагланд јавно ги коментираше обвинувањата.
Поранешниот норвешки премиер Торбјорн Јагланд е обвинет за „сериозна корупција“ по полициска истрага за наводни врски со осудениот сексуален престапник Џефри Епштајн, објави адвокатската канцеларија „Advokatfirmaet Elden“.
Канцеларијата потврди дека Јагланд е формално обвинет и изјави дека тој „ги негира сите обвинувања“, објави CNN.
Норвешката агенција за борба против економскиот и еколошкиот криминал „Ококрим“ објави дека ќе биде испрашувана како дел од тековната истрага.
„Ококрим“ изјави дека Јагланд е под истрага поради сомнение за сериозна корупција врз основа на информации од најновата група документи за Епштајн објавени од Министерството за правда на САД.
Јагланд, кој беше премиер на Норвешка од 1996 до 1997 година, како и министер за надворешни работи и генерален секретар на Советот на Европа, негираше какво било кривично дело.
Неговиот адвокат, Андерс Бросвит, рече дека претресите на неговиот дом и рекреативните објекти се „нормален дел од истрага од ваков тип“ и дека на Јагланд му е даден формален статус на осомничен како резултат на претресот.