Земјотрес со јачина од 5,3 степени според Рихтеровата скала го погоди грчкиот остров Евбеја синоќа, а беше силно почувствуван во Атина, соопшти Институтот за геодинамика на Националната опсерваторија во Атина. Европско-медитеранскиот сеизмолошки центар (EMSC) објави дека јачината на земјотресот била 5,2.
A 5.2 magnitude earthquake struck the Aegean Sea, Greece, on Sep 8, 2025, at 21:27 UTC (00:27 local), 10 km deep, 37 km NE of Athens, 14 km NNE of Néa Mákri. Tremors felt widely in Athens & Evia; no major damage or casualties reported. #σεισμός #sismo pic.twitter.com/80Q2kEm68m
— GeoTechWar (@geotechwar) September 9, 2025
Земјотресот се случил околу половина час по полноќ по локално време и бил локализиран во морето 45 километри североисточно од грчката престолнина и 4 километри од брегот на Неа Стира на југозапад од островот Евбеја, вториот најголем грчки остров.
Според грчките медиуми, сè уште нема вести за можни жртви и штети. Градоначалникот на Маратон, Стергиос Циркас, изјави за телевизиската станица ЕРТ дека земјотресот бил многу силен и додаде дека засега нема вести за штети.
Грција се наоѓа над неколку геолошки раседи и често е погодена од земјотреси. Во мај, земјотрес со магнитуда од 6,1 степени го погоди островот Крит и беше почувствуван дури до Египет, како и во грчката престолнина, а во јануари и февруари беше регистрирана силна сеизмичка активност во областа на островот Санторини во Егејското Море.