Француската скијачка Марго Симон почина вчера на 18-годишна возраст по несреќа на тренинг во Вал д’Изер, соопшти денеска Француската скијачка федерација.
Симоне претрпе тежок пад, лекарот се обиде да ја реанимира, но не беше можно да ја врати во живот. Сите детали се уште не се познати.
Таа го освои шампионатот до 18 години во март годинава.
„Сакаме да изразиме искрено сочувство до нејзиното семејство и најблиските и да им дадеме целосна поддршка во овие особено тешки моменти“, се вели во соопштението на Француската скијачка федерација.