Белгискиот фудбалер Кевин де Брујнe одлучи да го напушти Манчестер Сити на крајот од сезоната.
Како што пренесува „Скај спорт“, капитенот на „Граѓаните“ го одбил понуденото продолжување на соработката и од крајот на јуни ќе може слободно да избере нова средина.
Искусниот играч за врска е цела деценија во тимот на „Етихад“, каде пристигна од Волфсбург во трансфер вреден 76 милиони евра.
Иако трансферот на почетокот беше проследен со сомнеж во јавноста, ќе испадне дека е можеби најважната работа на клубот во неговата најуспешна ера.
Во меѓувреме, тој собра 409 натпревари, 105 гола, 173 асистенции и сите можни трофеи. Од тоа, Премиер лигата дури шест пати, но и прва досега за трофејот на Сити во Лигата на шампионите.
Веќе се шпекулира каде би можел да ја продолжи кариерата.
Саудијците се споменуваа и претходно, но преселбата во МЛС лигата и тимот од Сан Диего сега изгледа пореална опција.
Иако повеќе не е најдобриот играч на најсилната лига во светот, заминувањето на Де Брујнe сигурно ќе претставува голема загуба за сите фанови на англискиот шампионат.