Ѕвездата на „Полициска академија“, актерот Стив Гутенберг, им помага на пожарникарите да ги преместат автомобилите за да направат место за противпожарните возила.
Лос Анџелес се бори со разорните шумски пожари откако властите предупредија на екстремна опасност од силните ветрови што пристигнаа по долга суша.
Пожарот зафатил големи области на Палисадите на Пацификот меѓу Санта Моника и Малибу, каде живеат дел од холивудските ѕвезди.
– Ако го оставите автомобилот поради пожар, оставете го клучот внатре за некој како мене да може да ви ја премести колата за да можат сите овие противпожарни возила да се качат таму! – му рекол Гутенберг на локален новинар и додал:
– Луѓето се заглавени таму горе. Се обидуваме да го расчистиме Палисадес драјв, помагам колку што можам и движам автомобили. Има семејства, домашни миленици, има луѓе на кои навистина им треба помош. Не грижете се за личните работи, само излезете. Соберете ги вашите најблиски и тргнете надвор!.