Унгарскиот министер за надворешни работи Петер Сијарто изјави дека шансите за постигнување мировен договор во Украина ќе бидат поголеми откако Доналд Трамп ќе ја преземе функцијата претседател на САД. Укажувајќи дека неговата администрација може да донесе позитивни промени.
Сијарто во интервју за Риа Новости нагласи дека по инаугурацијата на Трамп се очекува поголема можност за постигнување мир.
„Кога претседателот Трамп ќе ја преземе функцијата, мислам дека шансите за постигнување мировен договор ќе бидат поголеми од кога било“, рече Сијарто, додавајќи дека прашање е дали демократската администрација во САД и провоените западни политичари ќе преземат нешто пред 20 јануари кога е инаугурацијата, што може да го искомплицира, па дури и да го спречи брзиот напредок во мировниот процес.
Сијарто предупреди на сериозен ризик од ескалација на конфликтот, нагласувајќи дека по претседателските избори во САД биле донесени одлуки со „потенцијално дестабилизирачки последици“, пренесува Танјуг.