Меколи Калкин ќе добие ѕвезда на Булеварот на славните во Холивуд и ќе има мини-обединување со друга ѕвезда од „Сам дома“, Кетрин О’Хара, која ја играше неговата мајка во комедијата.
Актерот ќе биде одликуван на специјална церемонија во петок, 1 декември.
Продуцентката на Холивудската патека на славните, Ана Мартинез, рече дека Меколи „со децении е главна ѕвезда на поп-културата“, се вели во официјалното соопштение за печатот.
Калкин ја играше главната улога на Кевин Мекалистер во „Сам дома“, а за време на неговата успешна кариера глумеше и во други проекти, како „Мојата девојка“ (1991) и „Американска хорор приказна: двоен филм“ (2021).
„Тој има широк опсег на работа, но неговиот филм „Сам дома“ е еден од најомилените празнични филмови познат ширум светот“, рече Ана Мартинез, додавајќи дека актерката Кетрин О’Хара, која ја играше мајката на Кевин Мекалистер, ќе зборува на церемонијата, пишува Daily Mail.