Државниот санитарен и здравствен инспекторат (ДСЗИ), изврши вонреден инспекциски надзор на КПД Охрид, во врска со одредени написи по медиумите, а кои се однесуваат на штитеници во оваа установа, кои наводно при последната контрола на народниот правобранител биле затекнати под силна терапија со седативи, антидепресиви и други лекарства за психички растројства.
Инспекцискиот надзор бил извршен во присуство на одговорното лице на установата, при што е констатирано дека во установата има згрижено вкупно 12 штитеници на возраст од 16 до 22 години, од кои пет се малолетни. Здравствена заштита им е обезбедена преку ЈЗУ Здравствен дом Охрид-докотор од Итна медицинска помош. Редовните посети од страна на докторот се еднаш неделно, а на повик секогаш во првите 24 часа од прием на секое ново лице во установата. За извршените здравствени услуги се води уредна евиденција.
Во однос на терапијата која им се ординира на штитениците во КПУ Охрид, од извршениот надзор во ЈЗУ Општа болница Охрид констирано е дека терапијата е врз основа на специјалистчки извешати (прегледи) од психијатри вработени во ЈЗУ ОБ Охрид. За двајца од штитениците терапијата е дадена врз основа на нивната предходна хоспитализација во ЈЗУ УК за психијатрија Скопје. За следење на здравствената состојба на штитениците се вршат редовни прегледи што се потврдува со приложените специјалистички извештаи од мај, јули, септември и октомври 2019 година.