Тренерот на Реал Мадрид, Зинедин Зидан се надева дека во наредната сезона неговиот тим ќе може да се бори за трофеи. Тој беше задоволен од победата над Салцбург (1:0) на вчерашниот пријателски натпревар.
– Ние им дадовме шанса на оние на кои им требаше. За тренерот е важно сите играчи да бидат достапни. Во наредната сезона, сакаме да бидеме конкурентни. Сакаме да бидеме силни и да се бориме за значајни работи. Со Салцбург одигравме добар натпревар. Сега е важно да се продолжи претсезоната на вистински начин. Секојдневно ја подигаме форма, изјави Зидан.
Реал новата сезона во Примера ќе ја почне на 17 август со дуелот на гостински терен кај Селта Виго