Според порталот Скај, владејачката партија и нејзиниот претседател премиерот Никола Груевски имаат силен притисок од меѓународната заедница.
Меѓународни претставници сметале дека предлогот на Бранко Црвенковски, за одржување на фер и демократски локални избори согласно прописите на ОБСЕ и предвремени парламентарни избори доколку опозицијата освои еден глас повеќе на советнички листи биле сосема разумни барања на една опозиција која била претепана и избркана од собранието.
Дипломатите, според сознанија на Скај, ги потсетиле во ВМРО ДПМНЕ и ДУИ дека тие ветиле промена на името во текот на пролетта, а воедно и одржување на политички дијалог внатре во земјата.
Меѓународната заедница деновиве застанала целосно зад ставовите кои ги прокламира Здружената опозиција, и тоа им е соопштено на ДУИ и ВМРО. Без опозиција локалните избори ќе бидат прогласени за нелигитимни, деновиве потсетија и од ОБСЕ.
Дипломати, за Скај, велат дека провладините медиуми не и’ помагаат на Македонија со кампањата која ја туркаат против СДСМ и Бранко Црвенковски. Штетата, на крај ќе биде кај владејачката партија велат дипломати во неформален разговор за Скај.
– Ако сакаат ДПМНЕ опозицијата да излезе на избори, треба да обезбедат фер игра, не само во трката за избори, туку и во медиумската битка, бидејќи гледаме деновие како се шират лаги, шпекулации, провладините медиуми смислуваат непостоечки изјави на опозиционери. Ова е непотребно, ова е нелогично и не баш нормално , велат дипломатите.