Супертајфунот Рагаса, една од најмоќните бури што ја погодиле Азија во последните децении, денеска го погоди јужниот брег на Кина и Хонг Конг, откако остави смртоносна трага во Тајван и Филипините.
At least 14 people were killed when a decades-old lake barrier burst in Taiwan, a government official said Wednesday, after Super Typhoon Ragasa pounded the island with torrential rainshttps://t.co/GDxlN5aUGD
🎥 CCTV footage of flooded bridge in Taiwan’s Hualien after lake… pic.twitter.com/VtVwwpmlV2
— AFP News Agency (@AFP) September 24, 2025
Во покраината Гуангдонг, економскиот центар на Кина, речиси 1,9 милиони луѓе беа евакуирани, а ветровите достигнаа брзина до 241 км/ч, што беше највисока забележана во историјата на локалните метеоролошки мерења.
Државниот радиодифузен сервис CCTV објави дека тајфунот го погодил подрачјето на островот Хаилинг околу 17 часот по локално време, со ветрови од 144 км/ч.
Силните налети на ветер корнеа дрвја, оштетија згради, а обилните дождови ја намалија видливоста на речиси нула. Властите ги затворија училиштата и фабриките во десетина градови, додека некои железнички линии беа суспендирани во соседниот регион Гуангси.
Жителите на Хонг Конг утринава беа разбудени од силни налети на ветер.
Снимки од соборени дрвја, скршени прозорци, откорнати покриви и кујнски аспиратори однесени од бурата се појавија на социјалните мрежи. Еден пловен објект се урна во брегот, кршејќи ги стаклените огради, а 90 лица беа згрижени во болници.
Шеталишта, игралишта и велосипедски патеки беа поплавени, а видео од вода што влегува во хотелот низ главната врата стана вирално.