Три загубени животи во Дизниленд (САД) за помалку од две недели, во серија несреќи што фрлија сенка врз „најмагичното место на Земјата“, објавува Њујорк пост.
Во најновата несреќа, еден човек почина во хотелот „Контемпературен“, кој се наоѓа во рамките на Дизниленд, во близина на Орландо, Флорида, потврдија властите на округот Оринџ.
Тие не ја прецизираа причината, ниту точното време на смртта, но на социјалните мрежи се појавија фотографии на кои се гледа полициска лента што означува и голем број полицајци во дворот на хотелот што се наоѓа во рамките на Дизниленд.
Еден од гостите напиша на Фејсбук дека не знае дали некој скокнал намерно или случајно паднал од еден од прозорците на хотелот, кој има 14 ката.
Овој хотел беше и место на несреќа минатата недела, кога посетител на забавниот парк скокна од платформата за набљудување на објектот.
Триесет и едногодишна жена од Чикаго беше на меден месец во Дизниленд кога изврши самоубиство пред шокираните гости.
Според „Њујорк пост“, во вторникот се случи и инцидент кога маж на околу 60 години се онесвестил, а подоцна починал во болница.
Во луксузниот хотел „Контемперари Ризорт“, каде што ноќевањето чини над 1.000 долари, во јули 2023 година, еден маж исто така извршил самоубиство, потсетува весникот.
Овој хотел е веројатно најпознат од повеќе од 25-те хотели во рамките на Дизниленд.