Во големиот пожар што избувна денес во близина на градот Лос Гаљардос, во шпанската покраина Андалузија, најмалку 12 лица ги загубија животите, а 23 лица во моментов се водат како исчезнати, објави лидерот на Андалузија – Хуанма Морено.
Морено изјави дека стотици пожарникари, припадници на армијата и полицијата се ангажирани во гаснењето на пожарот, пренесува Би-Би-Си.
Тој истакна дека четири лица ги загубија животите во еден автомобил, а се верува дека се британски државјани.
Морено рече дека пожарот најверојатно е предизвикан од паднат далновод, но компанијата за дистрибуција на електрична енергија „Ендеса“ го негираше ова.
Министерот за здравство и вонредни ситуации на Андалузија рече дека тоа е „најразорниот пожар“ што регионот некогаш го видел.