Му се слоши на легендарниот тренер на Сан Антонио Спарс, Грег Попович додека вечераше во ресторан во Сан Антонио, а ТМЗ Спорт пренесува детали за здравствената состојба на еден од најдобрите тренери во историјата на кошарката.
Според медиумот, 76-годишниот се онесвести, по што интервенираше Брза помош и го пренесе во болница.
На видеото до кое дојдоа американските медиуми може да се види како Попович го внесуваат во амбулантно возило на носилки пред ресторанот:
#SanAntonioSpurs legend #GreggPopovich left a local restaurant in an ambulance Tuesday night … after officials say they responded to a call for an elderly person who had fainted, #TMZSports has learned. All we know about what happened: https://t.co/JoLq4otgjk pic.twitter.com/r51itgWEvg
— TMZ Sports (@TMZ_Sports) April 18, 2025
Според извори блиски до ситуацијата, Попович во моментот на влегување во Брзата помош беше свесен и комуникативен, а моментно се наоѓа дома и се опоравува.
Се верува дека инцидентот е поврзан со благ мозочен удар што Попович го доживеа во ноември минатата година. Тој веќе некое време се повлече од активна тренерска функција за да се посвети на закрепнувањето, додека помошниот тренер Мич Џонсон го заменува на клупата на Спарс.
Клубот уште во февруари објави дека Попович нема да го води тимот до крајот на сезоната.
Грег Попович важи за еден од најголемите тренери во историјата на НБА, со пет шампионски титули и олимписко злато освоено со тимот на САД во Токио во 2020 година.
Тој е и тренер со најмногу победи во историјата на НБА.