Една од најбизарните ситуации во сезоната беше видена на натпреварот од второто коло на германската Бундеслига помеѓу Хофенхајм и Ајнтрахт Франкфурт.
VIDEO / Zaustavite sve što radite, imamo kandidata za promašaj sezone!
Напаѓачот на гостите, Елје Вахи, промаши празен гол од далечина помала од еден метар, но на крајот неговиот тим сепак победи убедливо со резултат од 3:1.
Ајнтрахт Франкфурт ја забележа својата втора победа во новата сезона во Бундеслигата на гостински терен совладувајќи го домашниот тим Хофенхајм со 3:1.
Гостите го наметнаа својот ритам од самиот почеток, а херој на првиот дел беше јапонскиот интернационалец Рицу Доан. Засилувањето од Фрајбург го отвори патот до победата со два гола, прво со одличен удар од работ на шеснаесетникот во 17-тата минута, а потоа десет минути подоцна кога го дуплираше водството од непосредна близина.
Сепак, моментот што го одбележа натпреварот се случи во 36-тата минута. Фарес Шаиби одлично додаваше по левата страна и ја испрати топката пред празниот гол, каде што осамениот Елје Вахи беше на само половина метар од линијата за гол.
Наместо рутинска реализација, Вахи катастрофално ја прими топката што му се одби од ногата.
Додека таа полека се тркалаше по гол-линијата, се појави чешкиот стопер Робин Хранач кој влета со лизгачки старт и во последен момент ја исфрли топката, со што во еден потег го спои кандидатот за промашување и одбрана на сезоната.
И покрај неверојатното промашување на Вахи, Ајнтрахт ја потврди победата во второто полувреме.