Поранешниот дефанзивец на Манчестер Јунајтед и англиската фудбалска репрезентација, Рио Фердинанд (47), ги опиша ракетните напади во Дубаи кои го принудија него и неговото семејство да се засолнат во подрумот на нивниот дом.
Фердинанд живее во Обединетите Арапски Емирати со сопругата Кејт Фердинанд (34) и децата. Поради ескалацијата на конфликтот на Блискиот Исток и размената на напади меѓу САД, Израел и Иран, некои ракети и беспилотни летала погодија цели во регионот, вклучувајќи ги и ОАЕ.
– Страшно е кога слушате ракети, авиони и експлозии над вас. Не знаете точно што се случува или колку е блиску. Најтешко е да им ја објасните ситуацијата на децата и во исто време да останете смирени – рече Фердинанд.
Според него, на семејството му било советувано да се засолни во подрумот, првата ноќ по почетокот на нападот.
– Спиевме долу, со ќебиња. Студиото практично стана мој бункер. Искрено, беше страшно, но во исто време се чувствувавме заштитени.
Сопругата, Кејт Фердинанд се огласи на Инстаграм со порака до следбениците, истакнувајќи дека се добро.
– Сигурни сме. Властите одлично ја вршат работата за да го одржат тоа така. И покрај нервозата, чувствувам дека сме во добри раце. Се надевам на потивка вечер, синоќа беше многу страшно – напиша таа.