Македонскиот фудбалски репрезентативец Бојан Миовски официјално е член на шкотскиот гигант – Глазгов Ренџерс.
Миовски потпиша четиригодишен договор со клубот.
Штипјанецот две сезони веќе настапуваше во шкотската Премиер лига, во екипата на Абердин, за која постигна 44 гола. Од Абердин тој се пресели во Жирона, во Шпанија но не се пронајде во новата средина, па повторно се врати во Шкотска.
💙 Welcome to Rangers, Bojan Miovski.
✍️ We are delighted to announce the signing of Bojan Miovski from La Liga side @GironaFC
The striker has signed a four-year deal with the club and becomes the 11th signing of the summer transfer window.
— Rangers Football Club (@RangersFC) August 30, 2025
„Навистина сум возбуден што се приклучувам на Ренџерс и што го правам следниот чекор во мојата кариера. Ова е огромен клуб со неверојатна историја и ми е чест што имам можност да бидам дел од него. Во моментот кога слушнав за интересот, знаев дека ова е местото каде што сакам да бидам. Едвај чекам да почнам, да ги запознаам моите нови соиграчи и да играм пред навивачите“ рече Миовски.