Еден од најдобрите напаѓачи на 21 век Хари Кејн конечно го скрши „проклетството“ и го подигна својот прв трофеј во професионалната кариера.
Прозивката на неговата сметка траеше долго, за што Кејн секако беше свесен, а викендов конечно го исполни својот сон кревајќи го пехарот наменет за победникот во Бундеслигата.
Победата на Баерн од 2-0 над Борусија Менхенгладбах обезбеди уште еден трофеј во музејот на клубот, а воедно беше и првиот што Кејн го крена на 32-годишна возраст.
Инаку, Кејн играше за Тотенхем од 2010 до 2023 година и покрај тоа што беше најдобар стрелец во Премиер лигата речиси секоја сезона – или на самиот врв на листата на стрелци – не успеа да стане шампион на Англија, ниту да крене еден од двата пехари.
Затоа на крајот замина во Баерн, каде минатата сезона го собори рекордот по број на голови, но Леверкузен „се прикраде“ и му го украде трофејот.
Дека не постои „проклетство“ докажа оваа сезона во која Кејн постигна 25 гола за Баерн во германскиот шампионат и го доведе до 34-та титула во историјата.
Сега сигурно е сон да се подигне трофејот во Лигата на шампионите.