Легендарниот кошаркарски тренер Грег Попович оваа сезона најверојатно нема да се врати на клупата на Сан Антонио Спарс.
Таа информација ја пренесе новинарот на ЕСПН, Шамс Чаранија.
Попович се опоравува од мозочниот удар што го доживеа во ноември минатата година.
Неговата иднина останува неизвесна, оттогаш е надвор од тимот на неодредено време, а информациите за неговата состојба се ограничени.
Самиот Грег Попович не се огласува од декември, а последно е познато дека легендарниот тренер работи на опоравување.
San Antonio Spurs’ Hall of Fame coach Gregg Popovich is not expected to return this season, and his future is uncertain as he recovers from a mild stroke suffered in November, league sources tell ESPN. pic.twitter.com/EekHlDa8NI
— Shams Charania (@ShamsCharania) February 23, 2025
Ова е уште еден удар за Спарси откако неделава го загубија талентираниот центар Виктор Вембањама во остатокот од сезоната поради длабока венска тромбоза на десното рамо.
Со 76 години и во својата 29-та сезона како тренер на Спарс, Попович е најстариот тренер во НБА.
Тој беше петкратен шампион во НБА, го држи рекордот за најмногу победи во историјата на лигата, три пати беше прогласен за тренер на годината и беше примен во Куќата на славните во 2023 година.
Сан Антонио моментално има скор 24-30 и нема многу шанси да се бори за место во плејофот.