Новиот италијански премиерлигаш Кремонезе започна преговори со легендарниот напаѓач на Лестер Сити – Џејми Варди (38), кој е слободен агент откако го напушти англискиот клуб, пишува Sky Sport Italia.
Иако го прослави својот 38-ми роденден во јануари, Варди верува дека сè уште може да игра на највисоко ниво.
Тој стана достапен на пазарот откако му истече договорот со Лестер, клубот каде што помина 13 години и со кој, под водство на тренерот Клаудио Раниери, сензационално ја освои титулата во Премиер лигата во 2016 година.
Искуството од работата со италијанскиот стручњак би можело да го охрабри да се обиде во Серија А, што е она на што се надеваат во новиот италијански прволигашки тим.
Кремонезе се врати во највисокото ниво на италијанскиот фудбал оваа сезона преку плејофот, а тимот го предводи Давиде Никола, тренер познат како експерт за обезбедување опстанок во лигата. Тие ја започнаа сезоната на најдобар можен начин, со шокантна победа од 1:2 на гости против Милан.
Познатиот експерт за трансфери Џанлука Ди Марцио потврди дека преговорите се во тек и дека Кремонезе вложува големи напори да го убеди англискиот напаѓач дека доаѓањето во Италија е вистинскиот чекор за продолжување на неговата кариера.
Во 500 настапи, тој постигна 200 гола и имаше 71 асистенција, а постигна и 7 гола во 26 настапи за Англија.