Срѓан Ного, поранешен заменик на движењето Двери, кој е осомничен дека повикуваше на убиство на претседателот на Србија и полицајците, денеска и се предаде на полицијата, пренесе српски „Блиц“.
Ного по наредба на Обвинителството веднаш е уапсен за тешко кривично дело.
„По наредба на Вишото јавно обвинителство во Белград, припадниците на Министерството за внатрешни работи на РС го уапсија С.Н. поради постоење основи на сомнение дека го сторил кривичното дело Повикување на насилна промена на уставниот поредок од член 309 од Кривичниот законик.
Се сомнева дека С.Н. во претходниот период во изјави за медиумите му се закануваше на претседателот на Република Србија со смрт, како и повикувајќи ги граѓаните да убиваат припадници на МВР на РС.
На осомничениот му е одредена мерка притвор до 48 часа и за тоа време ќе биде спроведен на распит“ стои во соопштението на српското МВР.