Љубовта не познава граници и години, а доказ за тоа се Кристин Хекокс (74) и нејзиниот сопруг Хамза Дриди (40), кои и покрај 34-годишната разлика, среќата ја нашле еден покрај друг.
Нивната љубовна приказна започна во 2018 година за време на онлајн курс по англиски јазик, на кој предаваше Кристин. Оттогаш тие се неразделни.
„Имаше инстант искра меѓу нас, тоа беше љубов на прв поглед“, изјавила Кристин за „Мирор“, а за нивната врска пишува и „Њујорк пост“.
По кратка преписка, Кристин донела храбра одлука – ги спакувала куферите и купила билет во еден правец за Тунис, каде што живеел Хамза.
Две години подоцна, парот се венчаше на тивка церемонија во семејната куќа на Хамза.
„Ја одложивме венчавката поради документите од Англија. Една година подоцна, поради љубов кон мојот сопруг, преминав во ислам“, вели Кристин.
Хамза не крие колку ја сака Кристин:
„Таа е прекрасна жена, моја кралица. Го обожавам нејзиниот карактер и интелигенција”, истакнува тој.
Пред Хамза, Кристин беше во брак повеќе од 30 години, што заврши со развод во 2003 година. Од тој брак има син, ќерка и двајца внуци. Семејството и пријателите ја поддржаа во нејзината нова љубов.
„Моите пријатели го обожаваат Хамза, често разговараат со него и гледаат колку сме среќни заедно“, додава Кристин.
И покрај среќата, парот се соочи со многу критики. Тие на социјалните мрежи беа обвинети дека Хамза бара виза или дека бил со Кристин поради финансиски причини.
„Немам богатство, јас сум обичен учител. Хамза е многу приврзан за семејството и не би се одвоил од нив“, објаснува Кристин.
Сепак, тие планираат да се преселат во Велика Британија, каде Кристин би можела полесно да се грижи за своето здравје.