Познатиот актер Колин Фарел неодамна ја отвори душата и раскажа во кој момент решил да го промени животот и што го натерало да се опорави од зависностите со кои долго време се борел.
Тој признал дека пиел околу три шишиња виски, 12 шишиња црвено вино и 60 литри пиво за една недела, пред конечно „да се отрезни“.
Џејмс имаше две години кога се отрезнив, изјави Колин Фарел за „Дејли Меил“.
Имено, на неговиот сега 20-годишен син Џејмс тогаш му бил дијагностициран Ангелман синдром, ретко неврогенетско нарушување кое влијае на нервниот систем и предизвикува развојни и интелектуални тешкотии.
Џејмс е едно од оние деца со Ангелман синдром кои имаат потешки симптоми, поради што нема вербална комуникација и не може да живее без помош на негувател, кој му помага во секојдневните задачи.
„На децата им требаат родители или баби и дедовци или некој друг – да се грижи за нив“, вели Фарел.
„Една од работите што ме научи Џејмс беше да пристапам до желбата да живеам во себе, дури и ако на почетокот беше повеќе да мислам дека сакам да живеам за да бидам околу него“, заклучил тој.
Поради се што поминал со својот син, овој 48-годишен актер решил да основа фондација за возрасни со интелектуална попреченост за да им помогне барем на некој начин.
„Сакам светот да биде добар со Џејмс. Сакам светот да се однесува со него со љубезност и почит“, изјави тој за „People“ на почетокот на август оваа година.
Фондацијата именувана по Колин Фарел се фокусира на лицата со посебни потреби во моментот кога ќе наполнат 21 година и ќе ја изгубат сета помош што им била на располагање дотогаш.
Покрај синот Џејмс, го има и 15-годишниот син Хенри со актерката Алиша Батчелда-Курус, со која неодамна се појави на премиера на неговата нова серија „Пингвин“ во Њујорк.