Актерот Харисон Форд, холивудската икона која е ѕвезда од 1960-тите, сè уште не планира пензија, иако е на 83-годишна возраст.
Неговите незаборавни улоги како Индијана Џонс и Хан Соло оставија длабока трага во филмската индустрија, а Форд продолжува да ги воодушевува обожавателите со нови проекти.
И покрај неговата возраст, актерот сè уште е желен за предизвик, велејќи дека не се откажува и продолжува да бара возбудливи улоги кои ќе му овозможат да го покаже својот талент.
Моментно е во Лос Анџелес каде ја промовираше втората сезона од хит серијата „1923“, а покрај тоа ги сними и серијата „Shrinking“ и филмот „Captain America: Brave New World“.
Форд, се чини, нема намера да запре.
На последната премиера тој призна дека има напорен распоред и додаде „дека секаде има малку премногу“.
Од 2010 година Форд е во брак со актерката Калиста Флокхарт, позната по серијата „Ali McBeal“, а парот живее далеку од Холивуд, на ранч во Вајоминг, кој актерот го купил во раните осумдесетти.