До 20:00 часот, вечерва, на територијата на државата има вкупно 31 пожар на отворен простор, од кои активни се два пожари, и исто толку се под контрола, а изгаснати се 27 пожари.
Активни се пожарите кај с. Никуштак Липковско, каде гори нискостеблеста деградирана шума и дабова шума, и во селата Варвара и Драчевица во Општина Студеничани каде е опожарена мешана шума и ниска вегетација.
Под контрола се пожарите во Општина Берово во Дрџински рид, м.в. Стојковото, с. Русиново каде е зафатена дабова и букова шума и папрат и во Вардариште во Општина Гази Баба каде гори ѓубриште.
Изгаснати се 21 пожар во повеќе општини во државата каде горела главно ниска вегетација, во Општина Ресен на место викано Порој биле зафатени и јаболкови насади, во Општина Липково во селата Оризаре и Слупчане била опожарена и мешана шума и ниска вегетација, а во Општина Старо Нагоричане с. Младо Нагоричане, маало Бузанци била зафатена од пожар кровна конструкција од плевна, наведуваат од ЦУК.