Лидерот на израелската опозициска партија Национално единство, Бени Ганц, денеска изјави дека Израел сега „дошол до последната можност“ да ги ослободи заложниците кои се на 500-тиот ден во заробеништво во Појасот Газа.
Тој нагласи дека Израел мора „да ги искористи сите лостови на притисок“, но и да биде подготвен за „болни отстапки“, за да го врати и последниот заложник.
„Нивната судбина ќе биде одредена, живот или смрт, со одлуките што ќе бидат донесени во наредните недели. Едвај го чекаме илјадитиот ден“, рече Ганц.
Тој додаде дека, по првите месеци од војната, Израел не успеал „да ги искористи можностите создадени од воениот притисок да го замени режимот на Хамас и да ги врати киднапираните луѓе“.
„Денес е јасно, кога пред повеќе од една година рековме дека е можно да се запре борбите за да се вратат киднапираните, а потоа да се елиминира режимот на Хамас, бевме во право“, посочи Ганц.
Договорот за прекин на огнот меѓу Израел и Хамас досега овозможи шест операции за ослободување, во кои Меѓународниот комитет на Црвениот крст (МКЦК) безбедно дозволи враќање на 24 заложници и 985 палестински затвореници.