Израелските воени претставници потврдија дека фотографијата што се појави на социјалните мрежи и го прикажува инцидентот е автентична.
Фотографијата покажува како израелски војник со чекан удира во главата на статуа на распнат Исус кој паднал од крстот, пишува Гардијан.
The military says a photo showing a soldier in southern Lebanon smashing a statue of Jesus with a sledgehammer is authentic, and action is to be taken against those involved.
Following an initial review of the photo, the military says that “it was determined that the photograph… pic.twitter.com/6aKj6YI8Sb
— Emanuel (Mannie) Fabian (@manniefabian) April 19, 2026
Статуата се наоѓа во Дебл, христијанско село на југот на Либан, по должината на границата со Израел.
Израелскиот премиер Бенјамин Нетанјаху го осуди сквернавењето на религиозниот симбол и рече дека е „запрепастен и тажен“ кога дознал за тоа.
Тој додаде дека ќе бидат преземени „строги дисциплински мерки“ против лицето одговорно за тоа.
Министерот за надворешни работи Гидеон Саар го нарече чинот „срамен и мизерен“ и им се извини на христијаните чии религиозни чувства беа повредени.
Сквернавењето на религиозната статуа предизвика бес во Либан и во странство, особено меѓу евангелистите во САД.
Популарноста на Израел меѓу американските евангелисти, традиционално упориште на поддршката за земјата, постојано опаѓа од почетокот на војната во Газа.