Оклахома Тандер победија кај Вашингтон Визардс со 132:111, но главната приказна на натпреварот е масовната тепачка на крајот од првото полувреме.
27 секунди пред крајот на првото полувреме, Ентони Гил постигна кош за 64:68, по што Џејин Вилијамс и Џастин Шампањи влегоа во клинч.
Сведоци од трибините тврдат дека сè започна од Вилијамс, кој го удри Шампањи во лицето. Тој возврати, а потоа Аџај Мичел се приклучи на тепачката.
Ентони Гил и Кејсон Волас се вклулија и групата кошаркари заврши во публиката.
Следуваше хаотична сцена. Играчите од двете клупи се придружија и многу кошаркари се туркаа, се бореа и се удираа едни со други.
Во хаосот, некој го турна Мичел, кој падна врз снимателот, соборувајќи го и него и камерата.
Судиите, обезбедувањето и персоналот во салата едвај ги разделија страните во конфликт.
Судиите ги прегледаа снимките од конфликтот откако тепачката стивна, по што четворица играчи беа исклучени.
Кејсон Волас, Џејлин Вилијамс и Аџеј Мичел беа исклучени од тимот на Оклахома, а Џастин Шампањи заработи исклучување кај Визардс.