Неверојатни сцени на натпревар помеѓу Стронгест и Блуминг пристигнуваат од Боливија.
Домаќините славеа со резултат од 3:2, Хуан Годој го постигна решавачкиот гол, а по последниот свиреж на судијата, на теренот се појави вистински хаос.
During a match between The Strongest and Blooming, fans fired fireworks onto the field. A player from The Strongest was hit in the groin and collapsed to the ground, groaning in pain 🇧🇴🤯 pic.twitter.com/xEd5WRhNRw
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) August 8, 2025
Навивачите почнаа да пукаат со пиротехнички средства, а лороната – еден вид пиротехника што се движи низ воздухот како ракета, заврши на теренот и го погоди херојот на играта, соборувајќи го на земја.
Годој се струполи на тревата, држејќи се за меѓуножјето, и мораше да биде изнесен од теренот од страна на лекарите.
Боливискиот весник „Ел Дебер“ открива дека напаѓачот претрпел изгореница од прв степен на бутот и хематом во пределот на тестисите. Лекарите му дијагностицирале и орхитис, односно воспаление на тестисите.
Имаше одредени гласини дека навивачите поставиле пиротехнички средства како знак на протест против сопствениците на клубот, но тие го негираа сето тоа, велејќи дека станува збор за прослава:
„Сакаме да им се обратиме на сите навивачи за да го изразиме нашето искрено жалење за инцидентот. Никогаш не ни беше намера да повредиме ниту еден играч или член на тренерскиот штаб. Секогаш се обидуваме да навиваме, а не да доведуваме никого во опасност“, рекоа тие.