Уапсениот рапер Шон Диди Комбс се соочува со повеќе обвинувања за сексуален напад и силување, а сега една од неговите жртви даде интервју пред камера во кое детално ги опишува наводите. Ова е првпат жртва на Диди да даде интервју, но со скриено лице и изменет глас.
Познато е само дека станува збор за маж, кој опишал инцидент што се случил во 2007 година на една од озлогласените забави на уапсениот рапер.
Во интервју за „Си-Ен-Ен“, Џон До, име кое вообичаено се користи во САД за парничар чиј вистински идентитет е непознат, ги детализираше наводите во неговата граѓанска тужба, која првично беше поднесена на 14 октомври.
Тој рече дека во 2007 година се вработил во приватна компанија за обезбедување која била ангажирана да работи на забавата на Диди. Во текот на вечерта, Диди лично и донел на својата наводна жртва два пијалаци, а мажот верува дека пијалаците биле преполни со GHB и екстази.
„Првиот пијалак почна да влијае на мене и мислев дека се навистина се силни пијалаци. Дури по вториот пијалак, кога беше предоцна, сфатив дека нешто не е во ред. За жал, Диди ме чекаше. Ме гледаше и кога беше сигурен дека е на позиција на моќ, ја искористи ситуацијата“, вели оштетениот.
Тој рече дека Комбс потоа го внел во автомобил, го држел и го силувал.
„Врескав, му велев да престане. Беше неверојатно болно и тој се однесуваше како ништо да не се случува и се чинеше како целосно се `исклучи`. Но, беше неверојатно насилно”, рекол тој.
Тој исто така рече дека уште една позната личност била сведок на се.
„Имаше уште една позната личност која виде што се случува и i беше забавно“, откри оштетениот.
Човекот му ја кажал ситуацијата на својот шеф во тоа време, кој потоа го отпуштил. После тоа повеќе не разговараше со мене, ме исклучи од се. Завршив на црната листа. Морав да најдам работа во друга област“, истакна човекот.
Раскажал и како видел видео на кое Диди во хотел физички ја нападнал својата поранешна девојка Кеси Вентура и дека потоа размислувал дали требало порано да пријави што му се случило.
„Го видов како ја тепа таа кутра жена и се згрозив, тоа беше ужасно. Се прашував, дали сум зачекорил напред, дали да сум бил похрабар, можеби би можел да го спречам тоа“, рече тој.
Откри и што сака да постигне со својата тужба.
„Ништо нема да ме врати на личноста што бев пред таа вечер. Ништо не може да го промени тоа. Би сакал да го видам да го помине остатокот од својот живот во затвор бидејќи таму му е местото, каде што повеќе не може никого да повреди. Тој ќе живее многу осамен, очаен живот, се надевам, и ако ништо друго, нема да може да ги злоупотребува другите и тоа е единственото нешто што е важно“, рече тој.