Американските разузнавачки агенции очекуваат намаленото темпо на борбите во Украина да продолжи и во следните неколку месеци, изјави синоќа директорката на националното разузнавање Аврил Хејнс, додавајќи дека „нема докази дека украинскиот отпор стивнува“.
Таа рече дека и украинската и руската војска ќе се обидат да се соберат за да се подготват за контраофанзива по зимата, но изрази значителен скептицизам за тоа дали Русите ќе бидат подготвени да го сторат тоа.
„Мислам дека е пооптимистички за Украинците во таа временска рамка“, рече таа, додавајќи дека мисли дека рускиот претседател Владимир Путин е изненаден што неговата војска не постигнала повеќе. Русија изгуби повеќе од половина од украинските територии што ги освои на почетокот на војната.
Хејнс рече дека најголемиот дел од борбите во моментов се водат во источна Украина, околу градот Бахмут и во регионот на Доnецк. Таа додаде дека темпото на борбите е намалено по повлекувањето на Русија од регионот Hерсон минатиот месец.
„Мислам дека тој станува се повеќе и повеќе информиран за предизвиците со кои се соочува неговата армија. Но, сè уште не ни е јасно дали тој има целосна слика во оваа фаза за тоа колку се предизвикувачки овие проблеми“, рече таа, додавајќи: „Гледаме недостиг од муниција, пад на моралот, проблеми со снабдувањето, логистиката… целата серија предизвици со кои се соочуваат Русите“.
Хејнс рече дека политичките цели на Путин во Украина не се променети, но дека тој може привремено да ги намали своите краткорочни воени цели.