Жестоки антирасистички протести во Бразил

Од:

Граѓаните на Бразил излегоа на протест откако двајца белци, членови на обезбедувањето на една продавница, убија црнец во четвртокот, пренесува Би Би Си.

Снимките од инцидентот ги преплавија социјалните мрежи.

На нив се гледа како 40-годишниот Жоао Алберт Силвеиру Фреитас добива удари по лицето пред продавницата Карфур во Порто Алегре. Според бразилските медиуми, конфликтот се случил откако Фреитас се скарал со продавач кој тогаш го повикал обезбедувањето.

Демонстрантите вчера влегоа во продавницата Карфур во Бразилија, извикувајќи „Црните животи се важни“ и повикаа на бојкот на тој трговски синџир.

Компанијата Карфур соопшти дека жали поради бруталната смрт на Фреитас и ветија дека ќе го раскинат договорот со обезбедувањето и ќе го отпуштат управителот на продавницата кој бил на должност.

Двајцата мажи кои наводно го претепале Фреитас до смрт се уапсени и се под истрага за убиство. Еден од двајцата уапсени е воен полицаец кој не бил на должност за време на инцидентот.

Бразил има долга историја на ропство и е последната земја во Америка што го укина во 1888 година. Во Бразил денес, 57 проценти се црнци и мешано население, а тие се жртви на убиства во 74 проценти од случаите. Кога станува збор за убиства извршени од полицијата, тие сочинуваат 79 проценти од жртвите.

Би можело да ве интересира

ВИДЕО: „Горат“ улиците на Рио де Жанеиро, 25 мртви во борби меѓу полицијата и бандите

Жарко Настоски

Во Бразил повеќе од 400.000 починати од Ковид-19 од почетокот на пандемијата

Ана Ололовска

Во Бразил не дозволија увоз на „Спутник В“

Ана Ололовска

Седумнаесет уапсени Палестинци во уште една ноќ протести во Ерусалим

ВИДЕО: „Војна“ на солунските улици, демонстрантите не сакаат полиција на универзитетите

Жарко Настоски

Привремено укинати летовите помеѓу Франција и Бразил

Ана Ололовска