Руските сили нападнаа неколку украински градови, при што загинаа најмалку три лица во напад со беспилотно летало врз станбена населба во регионот на Киев. Горните катови на две станбени згради утрово беа погодени во градот Ржишчив, на периферијата на главниот град. Меѓу жртвите има и 11-годишно момче, соопштија спасувачките служби.
Во одделен руски напад, три лица беа ранети во јужниот град Одеса, кога беше погодена трикатна зграда во манастирот, изјави шефот на претседателскиот кабинет Андриј Јермак. Беспилотни летала беа испукани и кон северозападниот регион Житомир, но нема повредени. Сирените за воздушен напад одекнаа низ Украина неколку часа подоцна, поради извештаите дека полетале руски воени авиони со ракети со долг дострел.
After all the talk in Moscow yesterday, more Russian missiles and more drone attacks on civilians overnight make it perfectly clear how much interest President Putin has in a just peace or an end to the war he started.
— Ambassador Bridget A. Brink (@USAmbKyiv) March 22, 2023
Амбасадорката на САД во Украина Бриџит А. Бринк на Твитер реагираше на нападот: „По сите разговори во Москва вчера, повеќе руски ракети и повеќе напади со беспилотни летала врз цивили во текот на ноќта, совршено јасно покажуваат колку претседателот Путин е заинтересиран за праведен мир или за крај на војната што ја започна“.