Зеленски разговараше со Меркел и Макрон за решението на судирот на истокот од Украина

Од:

Во пресрет на самитот со Европската унија, украинскиот претседател Володимир Зеленски вчера оствари разговори со германската канцеларка Ангела Меркел и францускиот претседател Емануел Макрон за барање решение на конфликтот во источна Украина.

Темата на разговорите беше и можниот самит со рускиот претседател Владимир Путин на таканаречениот „Нормандиски формат“, јави канцеларијата на претседателот Зеленски во Киев.

И Путин разговарал со Меркел и Макрон, соопшти Кремљ и додаде дека е договорено дополнително да се разгледаат условите за заедничката средба.

Германската Влада соопшти дека е договорен состанок на министрите за надворешни работи, а Елисејската палата дека таквиот состанок треба да се одржи во следните неколку недели.

Украина во својот источен регион Донбас веќе неколку години се бори против сепаратистите поддржани од Русија, а досега во овој конфликт се убиени повеќе од 14.000 лица, наведува официјален Киев.

Во Киев денеска се одржува 23-от самит ЕУ-Украинама кој ќе учествуваат претседателката на ЕК, Урсула фон дер Лејен и претседателот на Европскиот совет, Шарл Мишел. На разговорите треба да доминира ситуацијата во источна Украина.

Би можело да ве интересира

Во Франција засилени безбедносни сили пред сите католички и протестантски цркви за време на Велигден

Зеленски побара помош од САД против рускиот „воздушен терор“

Истрага против возачот на превртениот германски автобус во кој имаше загинати и повредени

Најмалку пет лица загинаа во автобуска несреќа кај Лајпциг

Горан Наумовски

Во Германија: Момче до смрт ги избодел родителите и братот, тешко си ја ранил сестрата

Кулеба го повика Западот да испрати системи за воздушна одбрана „Патриот“ во Украина

Горан Наумовски