Украинскиот претседател Володимир Зеленски денеска потпиша закон со кој се забранува православната црква поврзана со Москва на територијата на Украина.
Текстот на законот е објавен на веб-страната на украинскиот парламент.
Законот беше потпишан на Денот на независноста на Украина, кога таа земја се отцепи од Советскиот Сојуз, кој се слави на 24 август, како и две и пол години од почетокот на руската инвазија.
Врховната Рада, парламентот на Украина, претходно усвои закон за забрана на верски организации поврзани со Руската православна црква.
Според тој закон, активностите на Украинската православна црква, која е лојална на Московската патријаршија, може да бидат прекинати.
Како што изјави претходно претседателот на Собранието на Украина, Руслан Стефанчук, со тој закон Руската православна црква ќе биде забранета во Украина.