Украинските вооружени сили се под голем притисок од руските напади на истокот на земјата, рече претседателот Володимир Зеленски во вечерното видео обраќање до нацијата во петокот.
Зеленски рече дека военото раководство детално ја анализирало ситуацијата во регионот Доњецк.
„Таа област беше и останува во фокусот на руските напади“, рече Зеленски. Мора да се направи се за да се зајакнат одбранбените позиции на Украина во регионот“, додаде тој.
Украинскиот лидер изрази „посебна благодарност“ до сите војници кои ги нападнаа руските бази и логистика на окупираните територии, без да именува конкретни војници.
„Окупаторот мора да почувствува дека ова е украинска земја“, рече Зеленски.
Повикувајќи се на воени извори во Киев, украинските медиуми претходно објавија ракетен напад на воен аеродром на Крим, полуостров на Црното Море, анектиран од Русија во 2014 година.
Првично не беа дадени детали за последиците од нападот. Руското Министерство за одбрана не го коментираше нападот.