Зеленски јавно го прашува Бајден: Кажете јасно – ќе ја примате Украина во НАТО или не?

Од:

Украинскиот претседател Володимир Зеленски денеска рече дека сака јасен одговор „да“ или „не“ од американскиот претседател Џо Бајден за одобрување на украинскиот Акциски план за влез во НАТО.

Во заедничкото интервју за повеќе западни медиуми, Зеленски рече дека добил гаранции оти Бајден нема да ја користи Украина како средство за пазарење на средбата со рускиот претседател Владимир Путин оваа недела.

– Ако зборуваме за НАТО и МАП, навистина би сакал да добијам (од Бајден) детали – да или не, рече Зеленски, мислејќи на Акцискиот план за членство даден на земјите кандидати, статус што Украина долго време го бара. – Треба да добиеме јасни датуми и веројатноста за оваа опција за Украина, додаде Зеленски.

Тој рече дека Украина направила сè што е потребно за да добие план за членство во НАТО, за што Киев верува дека е клучно средство за одвраќање на Русија, но Москва жестоко се противи на таквите планови.

Тој уште побара економска поддршка од САД и повика Меѓународниот монетарен фонд да ги сфати украинските проблеми пред да постават пред властите „неправедни“ реформски барања.

Би можело да ве интересира

Холандија сака да распореди Ф-35 во Бугарија за да го поддржи НАТО

А1он

Бајден и јапонскиот премиер Кишида разговараа за Кина

А1он

НАТО ги отфрли руските барања да ги повлече своите сили од Романија и Бугарија

А1он

Балтички држави и испраќаат на Украина противоклопни и противавионски ракети

А1он

Блинкен: Нема значителен напредок во преговорите меѓу САД и Русија за украинската криза

А1он

Бугарско МНР: Ја повикуваме Русија да покаже почит за изборот на Бугарија и нејзиното членство во НАТО

А1он