Зеленски: Го пресретнавме планот на руското разузнавање, планирале да ја уништат Молдавија

Од:

Украинскиот претседател Володимир Зеленски потврди дека неговата земја ги пресретнала плановите на руските тајни служби за уништување на Молдавија. Обраќајќи им се на лидерите на ЕУ во Брисел, тој рече дека горенаведените информации ги споделил со молдавската претседателка Маја Санду.

„Ја информирав дека го пресретнавме планот на руската разузнавачка служба за уништување на Молдавија“, рече Зеленски.

Тој нагласи дека документите покажуваат „кој, кога и како“ ќе спроведе план што ќе ја „скрши демократијата на Молдавија и ќе воспостави контрола над Молдавија“. Тој тврди дека планот е многу сличен на оној што го смисли Русија за освојување на Украина, но рече дека не знае дали Москва на крајот наредила да се спроведе, пишува Sky News.

Минатата недела рускиот министер за надворешни работи Сергеј Лавров изјави дека Западот размислува да ја претвори Молдавија во „друга Украина“. Тој тврди дека западните земји ја поддржале прозападно ориентираната Санду на изборите во 2020 година, која Лавров ја обвинува дека планира да ја внесе Молдавија во НАТО и да ја спои со Романија.

Во декември, националната разузнавачка агенција на Молдавија објави дека Русија би можела да започне нова офанзива оваа година, чија цел е создавање копнен коридор низ јужна Украина до молдавскиот отцепен регион Придњестровје, поддржан од Москва, кој се отцепи по граѓанската војна во 1992 година, но не е признат од повеќето земји. Русија стационираше околу 1.500 војници како „мировници“ во отцепениот регион.

Би можело да ве интересира

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни

Терористите на ИСИЛ влегуваат во Европа преправајќи се дека се Украинци

Рускиот амбасадор не одговорил на повикот на Полска: Прво понудете докази

Предраг Петровиќ