Зелените освоија една петина од гласовите на парламентарните избори во Швајцарија

Од:

Двете партии на зелените освоија над 20 проценти од гласовите на вчерашните избори за Долниот дом на швајцарскиот Парламент, додека кај големите партии, вклучително и победничката Народна партија забележан е пад на поддршката, покажуваат конечните резултати.

Зелената левица освои вкупно 13,2 отсто од гласовите, додека за партијата на центарот Зелени либерали гласале 7,8 отсто од граѓаните. Со тоа Зелените станаа четврта партиска групација во Швајцарија, додека на петто место е Христијанско-демократската народна партија.

На изборите најголем број гласови 25,6 отсто освои антиимигрантската Народна партија, додека Социјалдемократската партија – 16,8 отсто, либералите 15,1 проценти, а Христијанско-демократската народна партија освои 11,4 отсто од гласовите.

Во согласност со единствениот швајцарски политички систем, добриот резултат во еден изборен циклус автоматски не носи и влез во сојузната Влада, каде веќе 60 години се делат министерските места помеѓу четири партии: Народна партија, Социјалдемократската партија, либералите и демохристијаните.

Според швајцарската традиција партија би можела да добие министерско место ако постигне добри изборни резултати на најмалку два избора по ред.

Лидерот на Зелените либерали Јург Грошен вчера изјави дека сигурно нема да бара место во сојузната Влада, додека лидерката на Зелената левица Регула Ритц не ја исклучи можноста да учествува во Владата.

Би можело да ве интересира

Курд се самозапали пред УНХЦР во Женева

Парламентарни избори во Швајцарија

Ана Ололовска

Аукција на одземени луксузни автомобили од синот на претседателот на Екваторска Гвинеја

Основан Македонско – Швајцарски бизнис клуб

А1он

Швајцарската полиција спровела тајна акција во Австрија

Ана Ололовска

Се урна авион на Алпите, помеѓу загинатите и едно дете