Шпанската полиција се обидува да ги идентификува и уапси разбојниците кои упаднаа во луксузен кварт во близина на Сарагоса. Крадците се обидоа да упаднат во три куќи, а во една од нив го врзаа сопственикот и му се закануваа дека ќе му ја силуваат малолетната ќерка. Полицијата се сомнева дека зад овие напади стои група од Србија.
Во првата куќа провалија преку вратата од гаражата, но кога забележаа дека светат светлата во куќата не можеа да влезат. Во втората куќа, каде живее постар пар, жената ги изненадила и мораа да побегнат. Лоша среќа имаа членовите на семејството кои спиеле во третата куќа во која подоцна упаднаа крадците.
Побараа накит и пари, а потоа го врзаа мажот на кој дури му се закануваа дека ќе му ја силуваат малолетната ќерка доколку не им даде повеќе пари, пренесува шпанскиот портал Хералдо.
Полицијата потврди дека во моментов се истражуваат „неколку грабежи“ што се случија ноќта меѓу четвртокот кон петокот во населбата Лас Ломас, која се наоѓа на приближно два километри од градот Зуера.
Извори блиски до случајот објаснија дека зад овие напади може да стои организирана група од источна земја, веројатно од Србија, иако напаѓачите, кои со маски ги криеле лицата и користеле „слушалки“ за комуникација додека се движеле по куќите, зборувале шпански.
Прв аларм бил брачен пар кој среде ноќ сретнал криминалци во својата соба. Полицијата отишла во нивната куќа, но не можеле ни да замисли дека во тој момент крадците се уште се во соседството и дека друго семејство поминува низ драматично искуство.
Освен неколку шамари и огромната психичка исцрпеност на која биле изложени, се чини дека жителите на оваа последна куќа не претрпеле сериозни повреди.
Инспекторите сега ги прегледуваат снимките од безбедносните камери за да ги откријат разбојниците.