Завршуваат дводневните разговори за формирање Влада на Шпанија

Од:

Шпанскиот крал Фелипе Шести ги завршува дводневните разговори со лидерите на политичките партии, надевајќи се дека ќе најде кандидат кој ќе добие поддршка од Парламентот да формира Влада и да се спречат втори национални избори оваа година.

Вршителот на должност премиер на Шпанија, Педро Санчез претходно најави дека ќе разговара со лидерите на ултралевичарската Унидас Подемос, со конзервативната Народна партија, партијата на десниот центар Циудаданос, дали ќе го поддржат како премиер.

Последната средба на кралот Фелипе Шести ќе биде со Санчез, чија Социјалистичка партија освои 123 места во Долниот дом од вкупно 350 мандати.

Претходно, лидерот на партијата на десниот центар Граѓани, Алберт Ривера изјави дека испратил писмо во кое бара итен состанок со вршителот на должност премиер Санчез, со цел да се прекине политичкиот застој и да се избегне повторување на изборите.

Ривера постави три услови за откажување од спротивставување на Владата на Санчез – ветување дека нема да се зголемат даноците, шанса повторно да се примени директното правило во Каталонија доколку регионалната влада ја отфрли идната пресуда во судењето на сепаратистите, како и отфрлање на пактот со баскиските националисти во Наваро.

Рокот за формирање влада е 23 септември, доколку ниту еден кандидат не обезбеди поддршка, изборите ќе се одржат на 10 ноември.

Би можело да ве интересира

Договорена нова декларација за независност на Каталонија

Санчез замина од Барселона без да се сретне со Тора

Ана Ололовска

Тора: Ако не разговараме, протестите нема да престанат

Санчез при посетата на Барселона одби да се сретне со каталонските лидери

ВИДЕО: Нови протести и судири во Барселона

Ана Ололовска

Повторно протести и судири во Барселона

Ана Ололовска